Chum sends acho händ au scho weder de Clown gässe und es het erscht mol en Schneeballschlacht geh. Wer gege wer esch schnelle mol klar gsi. Alli gäge d Saijai, und je chliner umso frecher send gsi, aber lueged doch selber grad.

Das send die 2 schlaue gsi, die send dem Schnee chli usem weg gange und händ sich im Hüsli versteckt. 

Denne esches passiert, de Chlaus und de Schmutzi send itroffe. Ich mues euch säge das esch en unglaublichi Sach  gsi, De "Strängi" Samichlaus wo alli emmer weder zum Lache brocht het, es het s Sitautione geh, du händ sich fast alli kugelet vor lache. Aber de gäg esch de Schmutzli gsi, de het emmer so knoret wen nebe em gstande besch als wör er dech grad welle uffrässe. Lueged doch selber

De Duan und de Chlaus es Schausepli first Class. Aber Aber Samichlaus, Aber ich han doch, de het so lang glaberet bes de Samichlaus seit, Duan, jetzt besch mol 3 Minute ruhig. Und nei natürli heters ned gschaft. :)

Aber ned nor d Jungs händ öpis z ghöre becho sondern au alli Trainer (send fast me ome gsie wie Chend) De einti mues ab und zue chli liesliger sie, die anderi müessti allefalls au mol chli was positiver säge zu de chind und de Schuebindtrainer au chli me Geduld ha met de Jungs wenns ned so lauft im Match. Aber natürli send das expilizt eri schwächene gsi. Ich fende de Chef esch sogar fast chli härt dragno worde, er het au zum Schmutzli müesse stoh. Er sigi stur und sträng und tut. Aber trotzdem händ sie alli Trainer gern und wänd zäme Erfolg ha.

Nach em Chlaus esch vor der Wursch. Das esch im Rolf sis Spezialgebiet und no ein SHARK im Sack im Schmutzli. Apropos au die 2 händ natürli eini becho, sie händ eri sach so Supi gmacht gha und send met de Jungs scho fascht zunere Einheit worde. Es wörli extrem lustig gsi und so wie ich ghört han wänds da nächst johr weder mache nur denne grad met allne D Juniore. S Einizge wo höt ned so lässig gsi esch dases es paar CHind gha het, wo eigentli au hättet chöne cho, aber anderi Sache wechtig gsie send. Das fendi trurig vör sonen tolle Alass. Sorry aber das hani au müesse säge. Also ich haues jetzt au weder hei i die warmi Stube und las euch elei met de letsche Fötelis.

Tschau zäme

Alli fötelis vom Fotigirl Nina